Монгол Улсын Засгийн газраас шинээр батлагдсан хууль тогтоомж, хуулийн шинэчилсэн найруулга, тогтоол, журам болон орон нутгаас баримталж буй бодлого, чиглэл, 2021 оны хяналт шинжилгээ, үнэлгээний үр дүн, цаашид нийтлэг анхаарах асуудлаар зөвлөгөө, мэдээлэл өгөх зорилгоор сумдын Засаг даргын Тамгын газрын дарга, албан хаагчдын уулзалт, сургалтыг зохион байгууллаа.
Тус уулзалт, сургалтыг аймгийн Засаг даргын Тамгын газраас гуравдугаар сарын 30, 31-ний өдрүүдэд зохион байгуулсан бөгөөд орон нутгаас сумдтай хамтран ажиллах чиглэл, арга замын талаар мөн байгууллагын гүйцэтгэлийн төлөвлөгөө боловсруулах арга зүй, санал хүсэлт, өргөдөл гомдлыг төрийн байгууллагын мэдээллийн нэгдсэн систем ERP-д бүртгэх арга зүй, аймгийн болон сумын сайтад Засгийн газрын 374 дүгээр тогтоолын дагуу мэдээ мэдээлэл оруулах талаар зөвлөн тусалж, дадлага ажил хийлгэсэн байна.