2021 оны Орчны бохирдлыг бууруулах үндэсний хорооны 625 сая төгрөгөөр Дундговь аймагт 3 компанийн 8 зууханд уутат шүүлтүүр суурилуулах хөрөнгийг баталсан. Уг ажлыг “Регал инженеринг” ХХК-тай 608.503.734 төгрөгийн гэрээ байгуулан 90 хувийн гүйцэтгэлтэй ажиллаж байна.

Гэрээнд “Дундговь –Ус” ОНӨҮГ-ын 2 дугаар зуухны газарт 3 ширхэг уутат фильтр, “Тэвшийнговь” ХХК-ийн 1 дүгээр зуухны газарт 1 ширхэг уутат фильтр, “Ган-Илч” ХХК-ийн 1 дүгээр зуухны газарт 4 ширхэг уутат фильтр суурилуулахаар тусгагдаад зураг төслийг боловсруулан Эрчим хүчний хөгжлийн төвөөр хянуулан баталгаажуулсан.

Угсралтын явцад “Ган-Илч” ХХК-ийн 1 дүгээр зууханд суурилуулах 4 ширхэг фильтрийг 3 дугаар зуухны газарт 2 ширхэг дотор, 7 дугаар зуухны газарт 2 ширхэг, “Дундговь –Ус” ОНӨҮГ-ын 2 дугаар зуухны газарт суурилуулах фильтрийг 1 дүгээр зуухны газар дээр 2 ширхгийг гадаа, 2 дугаар зуухны газарт 1 ширхгийг гадаа байрлуулахаар байршилт өөрчлөлт оруулахаар гуравдугаар сарын 31-ний өдөр аймгийн ЗДТГ, БОАЖГ, “Ган-Илч” ХХК, “Дундговь-Ус” ОНӨҮГ, “Регал инженеринг” ХХК-ийн төлөөллүүд хуралдан Орчны бохирдлыг бууруулах үндэсний хороонд албан хүсэлт хүргүүллээ.
Ийнхүү зууханд шүүлтүүр суурилууснаар утааны гаралт багасч, ард иргэдийн эрүүл аюулгүй орчинд амьдрах олон асуудлуудын нэг нь шийдэгдэх юм.