Өнөөдөр “Орон нутагт эрчим хүчний үр ашгийг дээшлүүлэх” зөвлөгөөнийг аймгийн Засаг даргын Тамгын газар, Эрчим хүчний зохицуулах хороо, орон нутгийн эрчим хүчний зохицуулах зөвлөлүүд хамтран зохион байгууллаа.
Зөвлөгөөнд 15 сумын Засаг дарга, 12 дулаан үйлдвэрлэх, дулаан түгээх, дулаанаар зохицуулалтаар хангах тусгай зөвшөөрөлтэй аж ахуйн нэгж болон дулааны тоолуур нийлүүлдэг Ультрасоник ХХК-ийн төлөөллүүд оролцон бөгөөд эрчим хүчний салбарын хууль, журам, дүрэм, аж ахуйн нэгжийн тусгай зөвшөөрөл, дулааны үнэ тариф, дулааны тоолуурын чиглэлээр мэдээлэл өгсөн байна.
Тус зөвлөгөөний хүрээнд жил бүр тусгай зөвшөөрлийн нөхцөл шаардлагын биелэлтийг дүгнэх, тусгай зөвшөөрлийг сунгахдаа сумдын удирдлагуудаас саналыг авах, үнэ тариф батлуулах аргачлалыг Хууль зүйн яаманд бүртгүүлэх ажлыг Эрчим хүчний зохицуулах хороо хариуцах, сумдын удирдлагууд дулаанаар хангагч байгууллагуудтай гэрээ байгуулах зэрэг шийдлүүдийг гаргажээ.
