Өнөөдөр аймгийн Засаг даргын зөвлөлийн наймдугаар хурал 10 гишүүний ирцтэй хуралдаж 10 асуудлыг хэлэлцэн шийдвэрлэлээ.

Хурлаар Дундговь аймгийн Засаг дарга, Ардын их хурлын депутатаар 2 удаа сонгогдсон Зундуйн Жанжаадорж агсны ар гэрт эмгэнэл илэрхийлэх, аймгийн “Хүндэт тэмдэг”-ийн нөөц бүрдүүлэх, Луус сумын малчдын зөвлөгөөнд дэмжлэг үзүүлэх, Төвийн бүсийн спортын наадамд оролцох, “Үндэсний бичиг үсгийн баяр-2022” үйл ажиллагааг зохион байгуулах зэрэг асуудлыг хэлэлцэн, шаардлагатай зардлыг шийдвэрлэжээ.

Дундговь аймгийн логоны уралдаанд ирсэн бүтээлүүдийг хэлэлцэн, ард иргэдийн саналыг харгалзан логог хуучин хэвээр үлдээхээр шийдвэрлэсэн байна.