Монголын циркчдийн холбоо, Дундговь аймгийн ЗДТГ, Боловсрол, соёл урлагийн газартай хамтран Монгол улсын Гавьяат жүжигчин Дамбын Батсүхийг алдаршуулах, хөдөө орон нутагт циркийн урлагийг сурталчлан таниулах, хүүхэд багачуудын чөлөөт цагийг зөв боловсон өнгөрүүлэх зорилгоор Өсвөрийн циркчдийн улсын III уралдааныг 2017 оны 10 дугаар сарын 12-15-ны өдрүүдэд, амжилттай зохион байгууллаа. Уралдаанд хот хөдөөгийн 20 хамтлагийн 196 хүүхэд, багачууд оролцож авьяас чадвараа сорьлоо. Циркийн наадмыг Дундговь аймагт анхлан зохион байгуулсан онцлогийг 2017 оны Онцлох үйл явдлын нэгээр тодрууллаа. Циркийн наадмыг зохион байгуулснаар аймгийн хүүхэд багачууд циркийн урлагийг ойлгож, сонирхож түүгээр хичээллэх хүсэл эрмэлзлэлтэй болсон байна.
