“Ган-Илч” ХХК нь өөрийн хөрөнгөөр Говь-Угтаал сумын нэгдсэн халаалтыг 512,2 сая төгрөг, Цагаандэлгэр сумын нэгдсэн халаалтыг 629,5 сая төгрөгөөр холбож, аймгийн хэмжээнд 6 сум нэгдсэн халаалтанд холбогдоод байна. нэгдсэн халаалттай болсноор иргэд сум орон нутагтаа ая тухтай амьдрах орчин бүрдсний зэрэгцээ барилга байгууламж өргөжих таатаа нөхцөлийг бүрдлээ. Аймгийн төвөөс алслагдсан сум нэгдсэн халаалтанд холбогдсоныг Дундговь аймгийн 2017 оны онцлох 10 үйл явдлын нэгээр нэрлэж байна. Аймаг орон нутгийн зүгээс цаашид бусад сумдыг нэгдсэн халаалттай болгох бодлогыг барин ажиллаж байна.
