Орон нутагт нийгмийн эрүүл мэндийн тусламж үйлчилгээг өргөжүүлэх зорилгоор Эрүүл мэндийн яамны 1,1 тэрбум төгрөгийн санхүүжилтээр аймгийн Нэгдсэн эмнэлэгт шинэчилсэн засвар, шаардлагатай тоног төхөөрөмж бүхий "Эрүүл мэндийг дэмжих төв"-ийг байгуулж, өнөөдөр нээлтээ хийлээ.
Нээлтийн ажиллагаанд Улсын Их Хурлын гишүүн Г.Мөнхцэцэг, Улсын Их Хурлын гишүүн Б.Саранчимэг, Эрүүл мэндийн яамны Төрийн нарийн бичгийн дарга Ц.Эрдэмбилэг, Дундговь аймгийн Засаг дарга Ц.Мөнхбат, Эрүүл мэндийн газрын дарга Б.Алтантөгс болон холбогдох мэргэжилтнүүд оролцож, тус төвийн үйл ажиллагаатай танилцжээ.
“Эрүүл мэндийг дэмжих төв”-д Монгол улсын Засгийн газраас санаачлан хэрэгжүүлж буй Эрт илрүүлгийн үзлэг шинжилгээ, оношилгоог тавдугаар сарын 01-ний өдрөөс эхлэн хийж эхэлсэн байна.
