2022.06.30-ны өдрийн аймгийн Засаг даргын зөвлөлийн 10 дугаар хуралд аймгийн Засаг дарга Ц.Мөнхбат, Засаг даргын орлогч М.Анхбаяр, Засаг даргын Тамгын газрын дарга Л.Доржбат болон холбогдох удирдлагууд оролцож “Анхан шатны хоршоо ба хадгаламж зээлийн хоршоог хөгжүүлэх сургалт болон зөвлөх үйлчилгээ, Цагдаагийн газрын насанд хүрээгүй хүнээс мэдүүлэг авах өрөөний засвар, тохижилтын ажил, аймгийн Баян уулын тахилгад дэмжлэг үзүүлэх зардлыг тус тус хэлэлцэн шийдвэрлэв.
Мөн улсын аварга шалгаруулах спортын тэмцээн уралдаанд амжилттай оролцсон дасгалжуулагч, тамирчдыг урамшуулах, мини воллейболын улсын аварга шалгаруулах тэмцээнд оролцох баг, Ази тивийн аварга шалгаруулах чөлөөт бөхийн тэмцээнд оролцох тамирчинд дэмжлэг үзүүлэхээр болжээ.Түүнчлэн Ажлын байран дахь сэтгэл зүйн эрүүл мэнд, Хандалгаа өөрчилье-Хамтдаа хөгжье аян зохион байгуулах удирдамжийг хэлэлцэн баталлаа.
