Аймгийн Засаг дарга Ц.Мөнхбат болон эрчим хүчний салбарын холбогдох албан тушаалтнууд, Дэлхийн Банкны эрчим хүч хариуцсан дарга Yanqing болон бусад төлөөлөгчдийг хүлээн авч уулзлаа. Уулзалтаар “Эрчим хүчний төсөл-3” хөтөлбөрийн хүрээнд шинээр хэрэгжих “Мандалговь-Арвайхээр” чиглэлийн шинэ шугам сүлжээний ажлын эхний үе шатны талаар харилцан санал солилцлоо.
Тус эрчим хүчний сүлжээ нь 220кВ хүчин чадалтай байх бөгөөд хангайн бүсийн эрчим хүчний шугамын Арвайхээр, Чойр дахь цахилгаан хэлбэлзлийн уналтын асуудлыг зогсоох, тал талаас эрчим хүчээр хангагдах боломжийг бий болгон нийгэм эдийн засгийн хөгжилд чухал үүрэг гүйцэтгэх төсөл болох юм.
Эрчим хүчний транс шугам нь Эрдэнэдалай, Сайнцагаан, Луус сумын нутаг дэвсгэрийг дайран өнгөрөх юм. Иймд аймгийн Засаг даргын зүгээс төслийн эхний үе шатнаас эхлэн орон нутгийн иргэд учруулж болзошгүй сөрөг нөлөөг арилгахад анхаарч ажиллах санал тавив. Мөн орон нутгийн болон бүс нутгийн иргэдэд үр өгөөжтэй төсөл хэрэгжих болсонд талархал илэрхийлэн орон нутгийн зүгээс төслийн хэрэгжилтийг түргэсгэхэд дэмжлэг үзүүлэх бүх арга хэмжээг авч хамтран ажиллахад бэлэн байгааг уламжиллаа.
