Дэлхийн Зөн Монгол Олон улсын байгууллагын Европын Холбооны Хамтын ажиллагаа хариуцсан захирал Сесиль Пичон, Олон улсын Хөрөнгө бүрдүүлэлт, хэрэгжилтийн захирал Карлос Пьедрасанта, Дэлхийн зөн Монгол Олон улсын байгууллагын Грант хөрөнгө бүрдүүлэлт, менежментийн захирал Г.Энхзул болон бусад албаны хүмүүс Дундговь аймагт айлчилж аймгийн Засаг даргын орлогч М.Анхбаяр, Хөгжлийн бодлого, төлөвлөлт, хөрөнгө оруулалтын хэлтсийн дарга Н.Эрдэнэ-Очир, "Гамшигт тэсвэртэй орон нутаг" төслийн ажилтан Д.Мөнхбадрах нар хүлээн авч уулзлаа.
Уулзалтаар Дундговь аймгийн Засаг даргын орлогч М.Анхбаяр Дэлхийн Зөн Монгол Олон улсын байгууллагын хамтын ажиллагаагаар өнгөрсөн хугацаанд орон нутгийн иргэд, байгууллагууд ялангуяа хүүхэд рүү чиглэсэн оновчтой ажлуудыг төсөл, хөтөлбөрүүдээр дамжуулан хэрэгжүүлж ирсэнд талархал илэрхийлэн цаашид бусад чиглэлээр хамтран ажиллах хүсэлтэй байгаагаа илэрхийллээ. Мөн Дэлхийн зөн Монгол ОУБ-ын Грант хөрөнгө бүрдүүлэлт, менежментийн захирал Г.Энхзул “Монгол улсад нийгмийн эгэх хариуцлагыг бэхжүүлэх” төслийг Дундговь аймагт хэрэгжүүлэхэд хамтран ажиллах талаар санал солилцлоо.
Айлчлалын үеэр “Гамшигт тэсвэртэй орон нутаг” төслийн хэрэгжилттэй танилцаж төслийн санхүүжилтээр Дэрэн суманд гаргасан инженерийн хийцтэй гүн өрмийн худгийг орон нутагт хүлээлгэн өглөө. Мөн сум, аймгийн удирдлагуудтай уулзаж төслийн хэрэгжилт болон цаашдын хамтын ажиллагааны талаар хэлэлцсэн юм.