MERIT төслийн техникийн зөвлөх Жоан МкЭвэн “Олон нийтийн хэлэлцүүлгийг орон нутгийн түвшинд үр дүнтэй зохион байгуулах нь” сэдэвт сургалтыг орон нутгийн хамтын ажиллагааны гэрээ байгуулах ажлын хэсгийн гишүүдийн төлөөлөл, холбогдох агентлагийн албан хаагч нарт танхимаар зохион байгуулан менторинг, зөвлөгөө өгөх хэлбэрээр дэмжлэг үзүүлэн хамтран ажиллалаа.  

Уг сургалтаар орон нутгийн хамтын ажиллагааны гэрээний чухал бүрэлдэхүүн болох "олон нийтийн хэлэлцүүлгийг" хэрхэн хийх талаар ярилцаж, хэлэлцүүлэг хийх үндсэн зарчим, анхаарах асуудлуудын талаар дэлгэрэнгүй мэдээлэл өглөө.

Түүнчлэн  оролцогчид бүлгээр ажиллан гэрээ байгуулах талуудын тулгамдаж буй асуудал болон ашиг сонирхлыг танилцуулж, гэрээний хүрээнд тусгай зөвшөөрөл эзэмшигч нь хэрэгжүүлж байгаа төсөл, арга хэмжээ, үйл ажиллагааныхаа талаар тухайн сум, орон нутгийн иргэдэд тогтмол мэдээлэл өгснөөр талуудын хооронд үл ойлголцол үүсгэхгүй байх зэрэг ач холбогдлын талаар ярилцаж мэдээлэл солилцлоо.