Дундговь аймгийн Эрдэнэдалай сумын Рашаант багт Юнител ХХК-ийн 100 хувийн хөрөнгө оруулалтаар 4G сүлжээ нэвтэрлээ. Нээлтийн арга хэмжээг энэ сарын 23-ны өдөр зохион байгуулж, аймгийн Засаг дарга Ц.Мөнхбат оролцон тус нээлтэд оролцсон малчид, иргэдэд хандан хэлсэн үгэндээ алслагдсан багуудад шинэ дэвшилтэт технологи, үйлчилгээг нэвтрүүлснээр хэрэглэгчдэд мэдээ мэдээллийг хүртээмжтэй хүргэх, сурч боловсрох, цаг хугацаа, хөрөнгө мөнгөө хэмнэх боломж бүрдэж буйг онцлоод, тус үйлчилгээг нэвтрүүлэхэд хамтран ажиллаж байгаа Юнител ХХК-ийн Дундговь дахь салбарын хамт олонд талархал илэрхийллээ.
2022 онд 3 сумын 5 багт 1.5 тэр бум төгрөгийн хөрөнгө оруулалттай 4G сүлжээний хамрах хүрээний өргөтгөлийн ажил хийгдэж байгаа ба цаашид бусад багуудын хэрэглэгчдэд шат дараалан, хэрэгцээ шаардлагыг үндэслэн хүргэхээр төлөвлөж байгаа бөгөөд Дэрэн сумын 2-р баг, Өлзийт сумын Буянт багуудад тус тус нэвтрүүлж, хэрэглэгчдэд хүргэхэд бэлэн болоод байна.
