Дундговь аймгаас 2021 оны II ээлжээр хугацаат цэргийн албаа Улаанбаатар хотын Зэвсэгт хүчний 013, Төв аймгийн Сэргэлэн сумын нутаг дэвсгэрт байрлах Зэвсэгт хүчний 016 дугаар нэгтгэл, ангиудад татагдсан дайчид албаа нэр төртэй хаагаад нутаг орондоо ирлээ. Энэхүү үйл ажиллагаанд Цэргийн штабын дарга дэд хурандаа Ш.Гансүх түүний албан хаагчид болон дайчдын ар гэрийн төлөөлөл оролцлоо.
Халагдсан дайчдад Зэвсэгт хүчний 278 дугаар байгууламжаас ажлын байрны танилцуулга хийж, ажилд орох санал хүсэлтийг хүлээж авлаа. Мөн хөгжим тоглох сонирхолтой иргэдийг хөгжмийн салаанд хөгжимчин ахлагчаар ажилд авах юм.
