Нэгдсэн Үндэстний Байгууллагын Хүүхдийн сангийн суурин төлөөлөгч Эваристе Коуасси Комлан Дундговь аймагт ажиллаж буй багийнхны хамт саяхан нээлтээ хийсэн хүүхэд хөгжил, хамгааллын төв “Ид шидийн орон”-ы бүтээн байгуулалт, үйл ажиллагаатай газар дээр нь очиж танилцлаа.

Тэрээр тус төвийн бүтээн байгуулалтыг сайшаан цаашид хэрхэн хамтран ажиллах талаар санал солилцох уулзалтыг Улаанбаатар хотноо хийхээр төлөвлөж, аймгийн Засаг даргын орлогч М.Анхбаяр болон “Гэрэлтдэг ертөнц” ТББ-ын тэргүүн М.Санжаасүрэн нарыг тус уулзалтад хүрэлцэн очихыг урьсан юм.