Канад улсын MERIT төсөл, Засгийн газрын хэрэгжүүлэгч агентлаг Жижиг, дунд үйлдвэрийн газартай хамтран “Уул уурхайн худалдан авалтад жижиг, дунд үйлдвэр, үйлчилгээ эрхлэгчдийг холбох арга зүй” гарын авлагыг боловсруулан, төсөл хэрэгждэг Дундговь аймаг болон сумдын жижиг, дунд, үйлдвэрлэл хариуцсан мэргэжилтнүүдэд гарын авлагын танилцуулга сургалтыг зохион байгуулав.
Энэ үеэр тус аймгийн “Уул уурхайн бэлтгэн нийлүүлэлтийг дэмжих ажлын хэсэг”-ийн уулзалтуудыг зохион байгуулж, цаашид уул уурхайн худалдан авалтад орон нутгийн үйлдвэр, үйлчилгээ эрхлэгчдийг холбох ажлыг эрчимжүүлэх ажлын төлөвлөгөөг хэлэлцлээ.
