Бизнес эрхлэгч, аж ахуйн нэгж, иргэдтэй хийсэн уг арга хэмжээнд аймгийн ЗДТГ-ын дарга Л.Доржбат, СТСХ-ийн дарга Г.Энхтайван, "Зоосон нүдэн" ХХК-ийн захирал С.Энхжаргал болон холбогдох байгууллагуудын мэргэжилтнүүд бизнес эрхлэхэд эрх зүйн болон эдийн засгийн орчин, төслийн зээл, тусламж, хөтөлбөрт хамрагдах ямар боломжууд байгаа талаар мэдээлэл хүргэлээ.

Мөн урилгаар Дундговь аймгийн Монгол банк болон бусад арилжааны банкуудын захирлууд оролцож хэлэлцүүлэгт оролцогчдын санал хүсэлтэд газар дээр нь хариулт өгч, хамтран ажиллах боломжуудыг танилцуулсан юм.

Хэлэлцүүлгийн үеэр бизнес эрхлэгчдээс Нарантуул зах болон бусад худалдааны төвүүд мөн аймгийн зарим худалдааны газрууд төлбөрийн баримтаа өгдөггүй, НӨАТ суутган төлөгчөөр бүртгүүлэх боломжтой газрууд бүртгүүлэхгүй байгаа мөн арилжааны банкуудын посын систем шимтгэл өндөртэй байгаа, зарим сумдын ажил хариуцсан мэргэжилтэн тодорхой дэлгэрэнгүй мэдээлэл өгөхгүй байгаа зэрэг санал хүсэлтүүд гарч зохих шатны албан тушаалтнууд хариу тайлбар өглөө.