“Уур амьсгалын өөрчлөлт болон хүүхдэд үзүүлэх нөлөөлөл” сэдэвт нөхцөл байдлын судалгаа хийхээр Олон улсын Хүүхдийг ивээх сангийн Бүс нутгийн уур амьсгалын өөрчлөлт хариуцсан мэргэжилтэн Абинаш Елакар, Японы Хүүхдийг ивээх сангийн Хөтөлбөрийн хөгжүүлэлтийн менежер У.Мандал нар энэ сарын 20-22-ны өдрүүдэд Дундговь аймагт ажиллаж байна.

Тус ажлын хүрээнд Дундговь аймгийн Засаг дарга Ц.Мөнхбат болон холбогдох төрийн байгууллагын төлөөлөлтэй уулзаж, судалгааны зорилгыг танилцуулан, санал бодлоо солилцсон юм. Мөн судалгааны хүрээнд ерөнхий боловсролын сургуулийн дотуур байрны сурагчидтай уулзалт ярилцлага хийжээ.

Түүнчлэн ирэх өдрүүдэд Хулд, Дэлгэрхангай сумдын орон нутгийн удирдлагууд болон дотуур байранд амьдардаг хүүхдүүд, малчидтай уулзаж, тэдний санал бодлыг сонсох бөгөөд нөхцөл байдлын судалгааны үр дүнд Дундговь аймагт цаашид хэрэгжүүлэх үйл ажиллагааны чиглэлийг тодорхойлох аж.