Монгол улсын Шадар сайдын аймгийн Засаг даргатай байгуулсан гэрээнд тусгагдсаны дагуу аймгийн гамшгаас хамгаалах бэлэн байдлын үзлэг энэ сарын 25-29-ний өдрүүдэд болох тул бэлтгэл ажлыг хангуулах, үүрэг чиглэл хүргүүлэх зорилгоор урьдчилсан үзлэгийг өнөөдөр зохион байгууллаа.
Урьдчилсан үзлэгт аймгийн Онцгой комисс, аймгийн гамшгаас хамгаалах 12 алба, тусгай зориулалтын 15 мэргэжлийн анги, Сайнцагаан сумын Онцгой комисс, гамшгаас хамгаалах ерөнхий зориулалттай мэргэжлийн ангийн бүрэлдэхүүн, томилгоожсон техник хэрэгсэлтэйгээр оролцсон юм.
Энэ үеэр аймгийн засаг дарга Ц.Мөнхбат, Засаг даргын орлогч М.Анхбаяр, Засаг даргын Тамгын газрын дарга Л.Доржбат нар бэлэн байдалтай танилцан, мэргэжлийн анги, албадын бүрэлдэхүүнийг бүрэн жагсах, бэлэн байдлыг сайжруулах талаар үүрэг чиглэл өгчээ.
