Улс төрийн боловсролын академи, Конрад Аденаурын сан, Дундговь аймгийн Засаг даргын Тамгын газар хамтран анх удаа сонгууль өгөх гэж байгаа ерөнхий боловсролын сургуулийн сурагчдын улс төрийн боловсролд зориулсан “Шинэ сонгогч” сургалтыг энэ сарын 23-ны өдөр зохион байгууллаа.
Тус сургалтыг Улс төр судлалын ухааны доктор, Улс төрийн боловсролын академийн Удирдах зөвлөлийн дарга Д.Ганбат, Эдийн засгийн ухааны доктор, Улс төрийн боловсролын академийн Удирдах зөвлөлийн гишүүн Д.Ганболд, Улс төр судлалын ухааны доктор, МУИС-ийн ШУС-ийн Улс төр судлалын тэнхимийн ахлах багш Г.Туяагэрэл нар удирдан явуулсан юм.
Сургалтад Сайнцагаан сумын ерөнхий боловсролын сургуулийн төгсөх ангийн 50 сурагч оролцов. Энэ үеэр аймгийн Засаг даргын Тамгын газрын дарга Л.Доржбат сургалтын багийнханд талархал илэрхийлэн, Засаг даргын гарын бэлгийг гардуулсан байна.