Энэ сарын 25-ны өдөр аймгийн Засаг даргын зөвлөлийн долдугаар хурал есөн гишүүний ирцтэй, танхимаар хуралдаж, есөн асуудлыг хэлэлцэв.

Хурлаар орон нутгийн хамгаалалтын томилгоот нэгжийн бүрэлдэхүүнд сургалт зохион байгуулах болон 2023 оны хоёрдугаар ээлжийн цэрэг татлага зохион байгуулах үйл ажиллагааны зардлыг Засаг даргын нөөц хөрөнгөөс шийдвэрлэжээ.

Түүнчлэн ахмад дайчин С.Цэгмидэд хүндэтгэл үзүүлэх, “Боловсролын чанар, хүртээмжийг дэмжих жил”-ийн ажлын хүрээнд Монгол улсад орчин цагийн Эм хангамжийн салбар үүсэж хөгжсөний 100 жилийн ойг тохиолдуулан аймгийн Эм хангамжийн салбарын мэргэжилтнүүдийн дунд “Ур чадвар” лекц зохион байгуулах зэрэг зардлыг шийдвэрлэсэн байна.

Мөн энэ үеэр Байгаль орчин, аялал жуулчлалын газраас “Адуучны өв соёлын баяр” үйл ажиллагааны тайланг танилцууллаа.