Аймгийн Засаг даргын захирамжаар байгуулагдсан Төв суурин газрын өвөлжилтийн бэлтгэлийг хангуулах ажлын хэсэг есдүгээр сарын 27,28-ны өдрүүдэд танхим болон цахимаар хуралдаж, ажлын хэсгийн ахлагч, аймгийн Засаг даргын орлогч М.Анхбаяр ажлын явцтай танилцан, үүрэг чиглэл өглөө.
Аймгийн хэмжээнд төв суурин газрын өвөлжилтийн бэлтгэл ажлын явц 85 хувьтай байгаа аж. Мөн аймгийн төв болон сумдын халаалтыг аравдугаар сарын 1-ний өдрөөс түгээхэд бэлэн болсон байна.
Энэ үеэр аймгийн Засаг даргын орлогч М.Анхбаяр цахилгаан болон дулааны тусгай зөвшөөрөлтэй аж ахуйн нэгж байгууллагуудыг энэ сарын 10-ны дотор өвөлжилтийн бэлтгэлд дутуу байгаа ажлуудаа хийж дуусгахыг үүрэг болгожээ.
