Аймгийн Засаг даргын зөвлөлийн есдүгээр хурал энэ сарын 10-ны өдөр 10 гишүүний ирцтэй танхимаар хуралдлаа. Хурлаар 10 асуудлыг хэлэлцэв.
Хөгжлийн бэрхшээлтэй иргэдийн эрхийг хамгаалах өдрийн хүрээнд зохион байгуулах “Хүртээмжтэй орчин- тэгш оролцоо” сарын аяны болон хөгжлийн бэрхшээлтэй хүүхдийн эрүүл мэнд, боловсрол, нийгмийн хамгааллын орон тооны бус салбар комиссын өрөөг тохижуулахад шаардагдах зардлыг шийдвэрлэжээ. Түүнчлэн аймгийн Хөдөлмөрийн аюулгүй байдал, эрүүл ахуйн зөвлөлөөс Луус, Дэлгэрцогт, Хулд сумдад үзлэг зохион байгуулах бөгөөд шаардлагатай зардлыг шийдвэрлэсэн байна.
Энэ үеэр ЧИП Монгол гэрийн халаалт, дулаалгын багцын талаар танилцуулсан бөгөөд 2024 оны төсвийн төслийн танилцуулгыг хийсэн юм. Мөн худалдан авах ажиллагааны газрыг байгуулах, “Мандлын гэгээ” хот тохижуулах ОНӨААТҮГ-ын бүтэц зохион байгуулалтын танилцуулга, мэдээллийг удирдлагуудад танилцуулжээ.
