Монгол улсын Шадар сайдын ивээл дор Шадар сайдын ажлын алба, Онцгой байдлын ерөнхий газар, Стандарт хэмжил зүйн газраас улс, орон нутгийн хэмжээнд бүх төрлийн стандартын хэрэгжилт муу байгаагаас гамшгийн эрсдэл, учрах хохирол өндөр байгааг бууруулах зорилгоор 14 дэх удаагийн “Эрсдэлийн үндэсний форум”-ын үйл ажиллагааг зохион байгуулж байна.

Форумд Дундговь аймгийн Засаг даргын орлогч М.Анхбаяр, Засаг даргын Тамгын газрын хэлтсийн дарга нар, сумдын удирдлагууд, удирдах албан тушаалтан, холбогдох мэргэжилтнүүд зэрэг 240 гаруй хүний өргөн бүрэлдэхүүнтэй оролцлоо.

Үндэсний форумыг 12-р сарын 20-22-ны өдрүүдэд зохион байгуулж байгаа бөгөөд орон нутагт 20-ны өдөр зохион байгуулж байгаа юм. Энэ удаагийн форумд долоон дэд бүтцийн 12 илтгэлийг олон нийтэд танилцуулж, хэлэлцүүлэг өрнүүлэн, шийдэл гарцыг тодорхойлж буйгаараа онцлог аж.