Дундговь аймгийн Эрчим хүчний зохицуулах зөвлөлөөс дулаан үйлдвэрлэх, түгээх, дулаанаар зохицуулалттай хангах тусгай зөвшөөрөлтэй 11 аж ахуйн нэгж, байгууллагад энэ сарын 21-ний өдөр сургалт, зөвлөгөөнийг зохион байгууллаа.
Сургалтын дараа аймгийн удирдлагууд тусгай зөвшөөрөл эзэмшигчидтэй уулзаж, тэдэнд өнөөгийн нөхцөл байдлын тулгамдаж буй асуудлуудын талаар сонсож, санал солилцов. Нүүрс, түлшний үнэ өссөн нь тусгай зөвшөөрөл эзэмшигчдэд үйл ажиллагаагаа хэвийн явуулахад хүндрэлтэй байгаа тул аймгийн Засаг дарга Ц.Мөнхбат зарим асуудлууд дээр хамтран ажиллахаар болжээ.
Түүнчлэн энэ үеэр аймгийн Засаг дарга тусгай зөвшөөрөл эзэмшигчдэд дулаан хангамжийн үйл ажиллагааг доголдуулахгүй байх талаар үүрэг, даалгаврыг өгсөн байна.
