Хүүхэд, залуучуудад эх оронч хүмүүжил олгох, улс эх орныхоо тусгаар тогтнол, бүрэн эрхт байдал, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх зорилго бүхий “Монгол бахархал” үйл ажиллагааг өнөөдөр зохион байгууллаа.
Тус үйл ажиллагаанд аймгийн иргэдийн Төлөөлөгчдийн Хурлын дарга С.Од-Эрдэнэ, Засаг дарга Ц.Мөнхбат холбогдох удирдлага, албан тушаалтнууд оролцов. Мөн төрийн тусгай байгууллагад ажиллаж байсан ахмадууд, ерөнхий боловсролын сургуулийн 11-р ангийн сурагчид урилгаар оролцсон байна.
“Монгол улсын иргэний андгай өргөх ёслол”-ыг өнөөдөр зохион байгуулж, 16 нас хүрсэн сурагчид андгай өргөн, иргэний үнэмлэхээ гардан авсан юм. Мөн Цэргийн үүрэгтний үнэмлэх гардуулах үйл ажиллагааг аймгийн иргэдийн Төлөөлөгчдийн Хурал, Засаг даргын Тамгын газрын Цэргийн штаб хамтран зохион байгуулж, Сайнцагаан сумын ЕБС-ийн 20 сурагч цэргийн үүрэгтний үнэмлэхээ гардан авчээ.
