Монгол Улсын Их Хурлын гишүүн, Засгийн газрын гишүүн, Хөдөлмөр, нийгмийн хамгааллын сайд Х.Булгантуяа аймаг, нийслэл, дүүргийн Засаг дарга нартай цаг үеийн асуудлаар өнөөдөр цахим уулзалт зохион байгууллаа. Уулзалтад аймгийн Засаг даргын орлогч М.Анхбаяр, Засаг даргын Тамгын газрын Нийгмийн бодлогын хэлтсийн мэргэжилтэн Д.Цэвэлмаа нар оролцов.

Уулзалтын эхэнд Хөдөлмөр, нийгмийн хамгааллын сайд Х.Булгантуяа тус салбарын цаг үеийн мэдээллийг хүргэн, ирэх онд хамтран ажиллах үйл ажиллагааны талаар хамтран ярилцсан юм. Үүнд:

- 2024 оны 1 дүгээр сарын 1-ээс Нийгмийн даатгалын багц хуулиар Малчдын Нийгмийн даатгалын шимтгэлийн 50 хувийг төрөөс төлөхтэй холбоотой Малчдад мэдээлэл хүргэх

- Нийгмийн даатгалын өр авлагыг барагдуулах. Өр авлагаа барагдуулаагүй аж ахуй нэгжид хариуцлага тооцон ажиллах

- 2024 онд Хөдөлмөр эрхлэлтийг дэмжих багц хууль батлахтай холбоотойгоор орон нутагт Хөдөлмөр эрхлэлтийг дэмжих хөтөлбөртэй болох, Залуучууд, ахмад настан, хөгжлийн бэрхшээлтэй иргэд, эмэгтэйчүүдийн хөдөлмөр эрхлэлтийг бодлогоор дэмжиж ажиллах

- Аж ахуйн нэгж, байгууллага Ахмадын тухай хуульд заасны дагуу “Ахмадын сан” байгуулахад анхаарч ажиллах

- Эрүүл мэндийн урьдчилан сэргийлэх үзлэгт иргэд, аж ахуйн нэгж, байгууллагын алба хаагчдыг бүрэн хамруулахад анхаарч ажиллах

- Орон нутгийн камержуулалтын асуудалд анхаарах талаар чиглэл өглөө. Улсын хэмжээнд 2024 онд 6 дүүрэг, 7 аймаг Теле хяналтын төв байгуулах төсөв 2024 онд шийдвэрлэсэн бол 11 аймаг 2025 оны төсөв шийдвэрлэхээр төлөвлөн ажиллаж байна.

- 2023 оны 12 дугаар сарын 28-аас сургууль 1 сар амрахтай холбогдуулан хүүхдийн ахуйн осол гэмтлээс урьдчилан сэргийлэх, хамтарсан багийн үйл ажиллагааг эрчимжүүлэх талаар аймаг, нийслэл дүүргийн Засаг дарга нартай санал солилцсон байна.