XVII жарны “Хилэнт эх” хэмээх модон луу жилийн босгон дээр Дундговь аймгаас хөдөө аж ахуйн салбарт тууштай ажиллан, ажил хөдөлмөрөөрөө улсдаа тэргүүлж “Улсын хошой аварга малчин” нэг, “Улсын аварга малчин” 10 тодорчээ.
"Улсын хошой аварга малчин"-аар Дундговь аймгийн Дэрэн сумын Алаг-Өндөр багийн малчин Жасрайн Одонпүрэв шалгарсан бол "Улсын аварга малчин"-аар Баянжаргалан сумын Шилийн гол багийн малчин Сампилын Сүхбаатар, Говь-Угтаал сумын Морьт багийн малчин Гүржавын Ганбаатар, Хулд сумын Бүлээн багийн малчин Хавгын Ганболд, Эрдэнэдалай сумын Цавчир багийн малчин Хаянхярваагийн Доржсүрэн, Дэлгэрцогт сумын Дэлгэр-Эмт багийн малчин Гончигдагвын Батчулуун, Сайнцагаан сумын Тэвш багийн малчин Шатарын Мөнхбат, Адаацаг сумын Ар-Урт багийн малчин Ядамзавын Энхболд, Дэрэн сумын Саруул багийн малчин Намсрайн Болдбаатар, Луус сумын Наран багийн малчин Баатарсүрэнгийн Одхүү, Сайнцагаан сумын Далай багийн малчин Цэсрэнгийн Дашзэгвэ нар тус тус шалгарсан байна.
Аварга малчдын шагналыг УИХ-ын гишүүн Г.Мөнхцэцэг, УИХ-ын гишүүн Б.Саранчимэг, Дундговь аймгийн иргэдийн Төлөөлөгчдийн Хурлын дарга С.Од-Эрдэнэ, аймгийн Засаг дарга Ц.Мөнхбат болон холбогдох албаны хүмүүс гардуулан өглөө.
