Мандалговь-Улаанбаатар, Мандалговь-Даланзадгад чиглэлийн авто замын хөдөлгөөнийг нээсэн ч нөхцөл байдал сайжраагүй, халтиргаа гулгаа ихтэй, Мандалговь-Даланзадгад чиглэлийн авто зам 125км-160км хооронд гөлөөн ихтэй, зам цасанд боогдсон, нэг урсгалтай байна.
Замын хөдөлгөөний аюулгүй байдлыг хангах зорилгоор Мандалговь-Улаанбаатар, Мандалговь-Даланзадгад чиглэлийн авто замд 4 ковш, 31 хүний бүрэлдэхүүнтэй 2 ажлын хэсэг замын зорчих хэсгийн цасыг хусаж цэвэрлэх ажил үргэлжилж байна.
Иймд иргэд та бүхэн замын хөдөлгөөнд оролцохдоо хурдаа тохируулан аюулгүй байдлаа хангахыг цагдаагийн газраас анхааруулж байна.
