Гамшгаас хамгаалах Үндэсний стратеги батлахтай холбоотой гамшгийн үед “Эх барих нөхөн үржихүйн эрүүл мэнд”-ийн чиглэлийн асуудлыг орон нутгийн хэмжээнд судлан оруулах, орон нутгийн түвшинд “Гамшгаас хамгаалах бэлэн байдал”-ын төлөвлөгөө түүний тодотголд явцын үнэлгээ өгөх зорилгоор Эрүүл мэндийн яам, Онцгой байдлын ерөнхий газар болог Нэгдсэн үндэсний байгууллагын мэргэжилтнүүд Дундговь аймагт ажиллав.

Тус ажлын хэсэг нь аймгийн Засаг даргын Тамгын газар, Эрүүл мэндийн газар, Онцгой байдлын газар, Хүүхэд, гэр бүл хөгжил хамгааллын газрын холбогдох албан тушаалтнуудтай уулзалт хийн, Эрүүл мэндийн газар, Луус суманд ажилласан байна.

Цаашид дээрх чиглэлээр салбар дундын хамтын оролцоог хангах, Олон улсын гамшгаас хамгаалах стандарт, сайн туршлагыг эрүүл мэндийн салбарт нэвтрүүлэхээр зорьж байгаа ба хүмүүнлэгийн тусламжаар гамшгийн үед “Эх барих нөхөн үржихүйн эрүүл мэнд”-ийн тусламж үйлчилгээг үзүүлэх, эрүүл мэндийн салбарын чадавхийг бэхжүүлэх гэх мэт ач холбогдолтой юм.