Монгол улсын Үндсэн хуулиар хүлээсэн иргэний журамт үүргээ ухамсарлан 2023 оны I ээлжийн цэрэг татлагаар цэргийн албанд мордсон залуус Дорноговь аймагт байрлах Хилийн цэргийн 0129 дүгээр ангид хугацаат албаа нэр төртэй, үлгэр жишээ хаагаад, өнөөдөр халагдаж ирлээ.
Дайчдыг Дундговь аймгийн Засаг даргын Тамгын газрын Цэргийн штабын орон нутгийн хамгаалалтын бэлтгэл, сургалтын офицер, дэд хурандаа Ц.Баттулга болон сумдын Засаг даргын Тамгын газрын дарга нар, гэр бүл, ах дүүс, найз нөхөд угтан авч, албаа нэр төртэй хааж, нутгийнхаа нэр алдрыг өндөрт өргөн Цэргийн тангарагтаа үнэнчээр зүтгэж “Эх орны цэрэг” болсонд баяр хүргэв.
