Орон нутгийн 2024 оны ээлжит сонгуулийн санал хураалтад Дундговь аймгийн 30,434 сонгогч санал өгөхөөс 68 хэсгийн хороон дээр 19,505 сонгогч буюу нийт сонгогчдын 66,2% нь саналаа өглөө.

Сумаар нь авч үзвэл Баянжаргалан сум хамгийн идэвхтэй буюу нийт сонгогчдын 80,5% нь саналаа өгсөн бол хамгийн бага ирцтэй буюу Сайнцагаан сумын сонгогчдын 61,6% нь санал хураалтад оролцсон байна.

Насны хувьд 65-69 насны сонгогчдын ирц хамгийн өндөр буюу 82,3%, 20-24 насны сонгогчдын ирц хамгийн бага буюу 38,7%-тай байна.

Нийт 68 хэсгийн хорооны 50%-д нь хяналтын тооллого хийснээр сонгуулийн дүн мэдээ эцэслэн гарах аж.