БНХАУ-аас Замын-Үүдэд суугаа Ерөнхий консулын газрын Ерөнхий консул Кэ Юушэнээр ахлуулсан ажлын хэсэг өнөөдөр Дундговь аймагт айлчилж байна.
Айлчлалын хүрээнд Дундговь аймгийн ерөнхий боловсролын сургуулийн ахлах ангийн суралцагч болон оюутнуудад сургалтын дэмжлэг гардууллаа. Тус тэтгэлэгт 48 оюутан, суралцагчийг хамруулж, тус бүр 500,000 төгрөгийн дэмжлэг үзүүлсэн юм. Энэ үеэр “Тэнгэрийн тэмдэг” хүүхдийн театрын сурагчид уран бүтээлийн дээжээсээ толилуулав.
