МУГБ Н.Өлзий багшийн алдрыг мөнхжүүлэх, орон нутгийн багш, сурагчдын математик сэтгэлгээг хөгжүүлж, бодлого бодох чадварыг сайжруулах, математикийн шилдэг сургалттай сургуулиудтай арга туршлагаа солилцох нөхцөлийг бүрдүүлэх хүрээнд зохион байгуулж буй математикийн XXII олимпиад 11 сарын 02-ны өдөр Тэнгэрийн тэмдэг хүүхдийн театрт нээлтээ хийлээ.

Нээлтэд аймгийн Засаг дарга С.Мөнхчулуун оролцож нийт багш сурагчдад амжилт хүсээд тус олимпиадыг тогтмол зохион байгуулж, математик сонирхогчдын тоог нэмэгдүүлэх, оюунлаг иргэнийг хөгжүүлэхэд нэн тэргүүнд бодлогоор дэмжин цаашид тус олимпиадын санхүүжилтийг бүрэн хариуцаж зохион байгуулж хэвшүүлэх талаар Засаг даргын үйл ажиллагааны хөтөлбөрт тусган хэрэгжүүлнэ гэдгийг онцоллоо.

Энэ удаагийн олимпиадад Улаанбаатар хот, Өмнөговь, Баянхонгор, Говьсүмбэр, Дундговь аймгийн 600 орчим багш, сурагчид нээлттэй олмипиадад оролцож байгаа бөгөөд энэ сарын 01-03-ны өдрүүдэд Цэгц билэг сургууль дээр явагдах юм.+4