Өнөөдөр аймгийн Засаг даргын орлогч, Шуурхай штабын дарга Ц.Ариунбаяраар ахлуулсан ажлын хэсэг Дундговь-Ус ОНӨААТҮГ-ын халаалтын зуухнууд дээр газар дээр нь ажиллалаа.
-Баянговийн халаалтын зуухны хоёр тогоо хагарсан, нэг тогооны сэнс тогны хэлбэлзлээс болж шатсан байдалтай байна.Одоо засварын бригад засварлаж байгаа бөгөөд маргааш өглөө буюу 12-р сарын 5-ны 09.00 цагт хэвийн горимд шилжүүлсэн байхаар ажиллаж байна.
-Хоёрдугаар сургуулийн халаалтын зуух нь хоёр тогоогоор галлагаа явуулж байна. Нэг тогоог өнөөдөр засварлаж ажиллагаанд оруулан, халаалтыг маргааш орой гэхэд хэвийн болгохоор ажиллаж байна. Шинээр суурилуулж байгаа нэг тогоог ирэх долоо хоногт угсарч дуусган, ашиглалтад оруулна.
-Халуун усны зууханд гарсан гэмтэлгүй, гурван тогоо галлаж байна. Өгөх шугамын температур 51.9С-тэй байна.
-Мандал хорооллын зуухны ажиллагаа хэвийн, өгөх шугамын температур 57С-тэй байна. Ноос угаах үйлдвэр нь тус зуухнаас өдөрт 40 тонн цэвэр ус ашиглаж байгаа нь халаалтын үйл ажиллагааг доголдоход нөлөөлж байгаа юм. Иймд тус асуудал дээр арга хэмжээ авахаар ажиллаж байна.
-Конторын зуухны нэг тогоо хагарсан, хоёр тогоогоор галлагаа явуулж байна. Өгөх шугамын температур 54С-тэй.Цаашид Шуурхай штабаас тогтмол хяналт тавьж, дулаанаар хангах үйл ажиллагааг хэвийн үргэлжлүүлэхэд анхаарч ажиллана.
