Монголын эмэгтэйчүүдийн байгууллага үүсэж хөгжсөний 100 жилийн ойн баярын хурал энэ сарын 1-нд Дундговь аймагт боллоо.
Баярын хуралд аймгийн иргэдийн Төлөөлөгчдийн Хурлын дарга Ж.Мөнхчулуун, Засаг дарга С.Мөнхчулуун нар оролцож, баяр хүргэн, хүндэтгэл үзүүлсэн юм.
Энэ үеэр "Асуудал - Шийдэл" хэлэлцүүлгийг өрнүүлэн, бүсгүйчүүдийн төлөөллүүдийн санал, сэтгэгдлийг хүлээн авлаа. Хэлэлцүүлгээр эмэгтэйчүүдийн байгууллагын үйл ажиллагааг бодлогоор дэмжих, малчин эмэгтэйчүүдийн эрүүл мэндийн асуудал, хүүхдийн шүдний эрүүл мэндийн асуудал зэрэг олон санал, санаачилга гарсан бөгөөд аймгийн Засаг дарга С.Мөнхчулуун асуудал тус бүрээр шийдлийг танилцуулж, цаашид бүх талаар дэмжин, хамтран ажиллахаа илэрхийлсэн юм.
