Энэ оны 11 сарын 1-ээс эхлэсэн Спортын бүтээлч сар аяны хүрээнд өглөөний идэвхтэй дасгал, хөдөлгөөний арга хэмжээг зохион байгууллаа. Аяны хүрээнд Дундговь аймгийн сумд болон байгууллага аж ахуйн нэгжүүд өөрийн байрандаа дасгал хөдөлгөөн хийх, аймгийн спортын заланд тогтмол ирж хичээллэх зэрэг төрөл бүрийн хэлбэрээр 1300 гаруй иргэд аянд оролцож дасгал, бүжиг суралцсан байна.

Энэхүү өглөөний дасгал хөдөлгөөний арга хэмжээ нь иргэд олон нийтийн хүсэл сонирхолоор ЭРҮҮЛ МОНГОЛ ХҮН аяны дор үргэлжлэн явагдах гэж байна. Биеийн тамир спортын тухай хууль, Монгол улсын Ерөнхийлөгчийн зарлиг, Эрүүл монгол хүн үндэсний хөдөлгөөн, “Алсын хараа -2050” Монгол улсын урт хугацааны хөгжлийн бодлогын хэрэгжилтийг хангах ажлын хүрээнд иргэдийн дунд идвэхитэй амьдралын хэвшил бүхий иргэн гэр бүл, байгууллагыг дэмжих төр, төрийн бус байгууллагын хамтын ажиллагааг дэмжих ажлын хүрээнд байгуулллага иргэд тогтсон хувиарын дагуу өдөр бүрийн арга хэмжээнд шинэлэг байдлаар оролцож тухайн өдрийн арга хэмжээг зохион байгуулахаар боллоо. Иймд иргэд та бүхнийг 12 сарын 25 хүртэл аймгийн спорт заланд амралтын өдрүүдэд 08:00-09:00 хооронд, ажлын өдрүүдэд 07:00-08:00 хооронд бүжгийн багштай, байгууллагуудын шинэлэг хөтөлбөртэй ЭРҮҮЛ МОНГОЛ АЯНд идэвхтэй оролцохыг уриалж байна.