Дэлгэрцогт сумын Баянбулаг багийн малчин Жунайн Дарханбаатар, гэргий Бямбасүрэнгийн Алимаа нар аймгийн Аварга малчин цол хүртсэнийг аймгийн ЗТДГ-ын дарга Ц.Эрдэнэсүрэн, ХБХОТХ-ийн дарга Н.Эрдэнэ-Очир нар гардуулж өглөө. Ж.Дарханбаатар нь 28 дахь жилдээ мал маллаж байгаа туршлагатай тэргүүний малчин юм. Багийнхаа цөөн малтай гурван өрхийг малжуулсны зэрэгцээ сум орноо хөгжүүлэхэд тодорхой санаачилга гарган хувь нэмрээ оруулж хамтран ажилладаг бол түүний гэргий Б.Алимаа нь сааль сүүгээ боловсруулан сумын төвийн айл өрх, албан газрын хэрэгцээнд аарц, сүү зэргийг нийлүүлдэг, сумаас зохион байгуулсан ажилд багийнхаа иргэдийг манлайлан оролцдог идэвхи санаачилгатай гэр бүл юм.
