ХVII жарны тийн унжлагат хэмээх шар нохой жилийн босгон дээр Дундговь аймгаас нийт аймгийн аварга малчин 34, улсын аварга малчин 7 ,улсын хошой аварга малчин 1 төрөөд байгаа билээ. 2017 оны мал тооллогын дүнгээр тус аймаг анх удаа мал сүргийн тоо 3 саяын босго давсан бөгөөд тус аймгийн Эрдэнэдалай сум мал сүргийн тоогоор улсад тэргүүлсэн зэрэг амжилт бүтээлээр дүүрэн гал тахиа жилийг үдэж байгаа юм. Жил бүр аймаг, сумын удирдлагууд аварга малчидыхаа шагналыг малчины хотонд очиж гардуулдаг уламжлалтай. Энэ уламжлалын дагуу Аймгийн засаг даргын орлогч Ж.Мөнхчулуун, Сайнцагаан сумын засаг дарга Р.Мөнхтогтох тэргүүтэй албаны хүмүүс Наран багийн малчин Д.Раднаабазар, Тэвш багийн малчин И.Эрдэнэдоо нарт аймгийн аварга малчины шагналыг гардууллаа