Өнөөдөр аймгийн Засаг дарга О.Бат-Эрдэнэ 15 сум, 21 агентлагийн дарга нартай 2018 оны үр дүнгийн гэрээ байгууллаа. Үр дүнгийн гэрээнд Засгийн газраас дэвшүүлж буй зорилтууд, аймгийн Засаг даргын үйл ажиллагааны хөтөлбөрт тусгагдсан ажил, аймгийн эдийн засаг, нийгмийг хөгжүүлэх үндсэн чиглэлд тусгагдсан ажил, үйлчилгээ, Дундговь аймгийн хэмжээнд 2018 оныг эрүүл мэндийг дэмжих жил болгон зарласантай холбогдуулан ард иргэдийн эрүүл мэндийг дэмжих чиглэлийн үйл ажиллагаа, Мөн Засгийн газраас дэвшүүлсэн 01 тоот албан даалгавар буюу төрийн албан хаагчдын сахилга, хариуцлагыг чангатгах тухай албан даалгаварыг шат, шатанд хэрэгжүүлэхээр тусгажээ. Мөн гэрээнд улсын төсөв болон орон нутгийн хөгжлийн сан,хөрөнгө оруулалт өмнөх жилээс 4 дахин нэмэгдсэн тул бүтээн байгуулалт, сургууль, цэцэрлэгийн засварын үйлчилгээ хийгдэхээр тусгагджээ.