Дундговь аймгийн Гэр бүл, хүүхэд, залуучуудын хөгжлийн газар, Дэлхийн зөн ОНХХ хамтран “Гэрээр айлчлагч сургагч багш” бэлтгэх сургалтыг зохион байгууллаа. Тус сургалтад Дундговь аймгийн 15 сумын нийгмийн бодлогын мэргэжилтэн, хамтарсан багийн гишүүн болон ТББ-уудын төлөөлөл нийт 47 хүнийг хамруулжээ. ГБХЗХГ-аас гэр бүлийн хөгжлийг дэмжих туршилтын нэг жилийн хөтөлбөрийг хэрэгжүүлж байгаа бөгөөд хөтөлбөрийн зорилго нь эмзэг бүлгийн болон дундаж өрхийн гэр бүл, залуу гэр бүлүүдэд тулгамдаж буй асуудал, тэдэнд төрөөс ямар үйлчилгээ хэрэгтэй байгааг тодорхойлон, дараагийн жилүүдэд боловсронгуй болгох, хөгжүүлэх, санхүүжүүлэх зэрэг төрөөс гэр бүлд үзүүлэх үйлчилгээг тодорхойлох юм. Энэ зорилгын хүрээнд 1500 өрх гэр бүлээс судалгаа авах бөгөөд судалгаанд арга зүй үзүүлэх сургагч багш нарыг бэлтгэх үүднээс энэхүү сургалтыг зохион байгуулсан байна.
