Франц улсын “Action Mongolia” нийгэмлэгийн эмч Yves Poncelin, Marc Du Besset нар Дундговь Аймгийн нэгдсэн эмнэлгийн Яаралтай түргэн тусламжийн үйчилгээг сайжруулах чиглэлээр түргэн тусламжийн тасагт 10 хоног ажиллалаа. Тус нийгэмлэгээс 2014 онд аймгийн Нэгдсэн эмнэлэгт хэвлийн хөндийн дурангийн тоног төхөөрөмжийг суурилуулсан бөгөөд Нэгдсэн эмнэлгийн эмч нарыг Франц улсад мэргэжил дээшлүүлэн сургасан байна. Дундговь аймгийн Засаг дарга О.Бат-Эрдэнэ нийгэмлэгийн эмч нарыг талархан хүлээн авч уулзсан байна. Энэ үеэр Нийгэмлэгийн эмч нар Нэгдсэн эмнэлгийн орчин болон эмч, ажилчдын чадвар, мэдлэгийг өндрөөр үнэлсэн бөгөөд тоног төхөөрөмж дутагдалтай байгааг дурьдан цаашид энэ чиглэлээр хамтран ажиллана гэдгээ илэрхийллээ.