Дундговь аймагт хэрэгжиж байгаа Канад улсын MERIT төслийн хүрээнд аймгийн Засаг даргын тамгын газрын албан хаагчдад “Ажлын байран дахь харилцааны ур чадвар” сэдвээр нэг өдрийн сургалт зохион байгууллаа. Сургалтыг MERIT төслийн Техникийн зөвлөх Скот Слэссор явуулсан бөгөөд сургалтын үеэр багийн ажиллагаа, төрийн албан хаагчийн харилцаа, хандлагын талаар лекц, зөвлөгөө өгч, багаараа дадлага ажлыг хийсэн байна. Тус төсөл 2023 оныг хүртэл үргэлжлэх бөгөөд Дундговь аймгийн засаг дарга О.Бат-Эрдэнэ MERIT төслийн хамт олонг хүлээн авч уулзан, цаашдын хамтын ажиллагаанд амжилт хүслээ. Мөн MERIT төслийн хүрээнд төрийн албаны манлайллын чиглэлээр болон уул уурхайн олборлолтыг хэрхэн хүртээмжтэй, үр ашигтай явуулах талаар төслийн Техникийн зөвлөх Эрика Ричие Дундговь аймагт нэг сарын хугацаатай зөвлөгөө, сургалтыг зохион байгуулан, аймгийн ЗДТГ-тай хамтран ажиллана.
