Япон улсын Эхиме мужийн Мацуяама хотын LEXXAM компанийн захирал Яамаучи Маморугаар ахлуулсан төлөөлөгчид өнөөдөр Дундговь аймагт айлчиллаа. Төлөөлөгчдийг Дундговь аймгийн нутгийн удирдлагууд, бизнесийн салбарынхан хүлээн авч, ажил хэргийн уулзалтыг зохион байгуулжээ. Уулзалтын үеэр Дундговь аймагт  үнээний ферм байгуулах талаар хамтарч ажиллах болон Япон улсад үхрийн фермийн ажилтан, дадлагажигч сургаж бэлтгэх талаар хүсэлт тавьж, санал бодлоо солилцлоо. Түүнчлэн айлчлалын хүрээнд туршлага судлах зорилгоор Төв аймгийн Баян сумын үхрийн ферм, Дундговь аймгийн Дэрэн сумын малын тэжээлийн үйлдвэрийн үйл ажиллагаатай танилцсан юм.