Засгийн газрын 2018.08.22-ны өдрийн 258 дугаар тогтоолын дагуу аймгийн ЗДТГ-ын ТЗУХ, ХШҮДАХ-ээс 10 чиглэлийн хүрээнд тусгай удирдамж боловсруулан ажлын 2 хэсэг гарч 2018.08.30-31-ний өдрүүдэд Цагаандэлгэр, Баянжаргалан, Гурвансайхан, Эрдэнэдалай, Сайхан-Овоо, Дэлгэрхангай сумдад гэнэтийн хяналт, шалгалтыг зохион байгууллаа.
Шалгалтаар 6 сумын ЗДТГ, ЕБСургууль, Цэцэрлэг, Эрүүл мэндийн төв, Соёлын төвүүд зэрэг 32 төрийн байгууллагуудад хяналт, шалгалт хийсэн байна.
Хяналт, шалгалтаар төрийн албан хаагчид эрхэлсэн ажилдаа хариуцлагатай байж, иргэн бүрт ижил тэгш үйлчлэн ёс зүйн зөрчилгүй ажиллахад онцгойлон анхаарах, ажлын цаг ашиглалт, бүтээмжийг дээшлүүлэх, ажлын явц, үрд дүнг сайжруулах талаар заавар, зөвлөгөө өгч ажиллалаа. Шалгалтын явцад:
-Төрийн байгууллагуудын ажлын цаг ашиглалт, бүртгэл, хяналтыг сайжруулах.
-Албан хаагчдын өрөө тасалгаанд үзлэг хийж, архи согтууруулах ундаа, хүйтэн зэвсэг, тэсэрч дэлбэрэх болон шатамхай бодис хэрэгслийг ажлын байранд нэвтрүүлэх, хадгалах, хэрэглэхгүй байх тухай тогтоолын 1.7 дахь заалтыг байгууллагын дотоод журамд тусган, мөрдүүлж ажиллах зөвлөмжийг өгч ажилласан байна.
Түүнчлэн 258-р тогтоолын 1.10 дахь заалтад тусгагдсан ажлын байран дахь бүх хэлбэрийн хууль бус дарамт шахалт, ялгавартай хандах байдлын тандалтын судалгааг 109 төрийн захиргааны албан хаагчаас авч дүнг нэгтгэн ажиллажээ.
