Дундговь аймгийн Хүнс хөдөө аж ахуйн газраас “Малын чанар сайжруулах” онол практикын анхдугаар бага хурлыг санаачлан зохион байгуулж байна. Бага хуралд Төр болон аймаг орон нутгаас мал аж ахуйн салбарт баримталж буй бодлого, цаашид хэрэгжүүлэх арга хэмжээ, бог малын хээлтүүлэгчийг мэргэжлийн байгууллага, мэргэжилтний мэдэлд авах арга туршлага, мал үржүүлэг, биотехнологийн ажил, үйлчилгээний өнөөгийн байдал зэрэг илтгэлүүд тавигдсан бөгөөд хурлын үеэр аймгийн мал зүйч, үржүүлэгчдийн холбоо байгуулах юм.Тус хуралд 15 сумын мал эмнэлэг, үржлийн тасгийн мэргэжилтнүүдээс гадна МЭҮГ-ын мал үржлийн хэлтсийн дарга Д.Батсүрэн, ХХААХҮ-ийн сайдын зөвлөх, Гавъяат мал зүйч Д.Самданжамц, Малын удмын сангийн үндэсний төвийн албаны дарга Я.Оюунбилэг, ХХААХҮ-ийн яамны ахлах мэргэжилтэн Д.Эрдэнэтуяа нарын албаны хүмүүс оролцож байна. Хурал 2 өдөр үргэлжилнэ.