Сар шинийн өдрүүдэд Аймгийн төвийн орон сууц албан байгууллагуудын халаалтын доголдолтой байна гэсэн иргэдийн гомдлын дагуу энэ сарын 9-ний өдөр аймгийн Засаг дарга О.Бат-Эрдэнэ аймгийн Онцгой комиссыг хуралдуулж нөхцөл байдлын талаар дүгнэлт хийж тодорхой үүрэг даалгавар өглөө. Тус Онцгой коммисын хуралд аймгийн төвийн халаалтын компаниуд болох Ган-Илч, Тэвшийн говь, Дундговь-Ус ОНӨҮГ-ын удирдлага, холбогдох хүмүүсийг оруулцуулж нөхцөл байдлыг талаар мэдээлэл авлаа.
Тус хуралд аймгийн ОБГ-ын галын хяналтын улсын байцаагч Б.Доржхорол дээрх компаниудын халаалтын зуухнуудад хийсэн хяналт шалгалтын талаар танилцууллаа. Мөн аймгийн Засаг даргын орлогч Ж.Мөнхчулуун ажлын хэсэг гарган зуухнуудын нөхцөл байдлыг  газар дээр шалгаж, авч хэрэгжүүлсэн арга хэмжээнийхээ талаар мэдээлэл хийлээ. Дээрх нөхцөл байдалд үндэслэн аймгийн онцгой комиссын дарга бөгөөд аймгийн Засаг дарга О.Бат-Эрдэнэ халаалтын компаниудын удирдлагад хугацаатай үүрэг даалгавар өгч, өнөөдрөөс эхлэн 10 хоногийн хугацаатай Онцгой комиссын гишүүдийн бүрэлдэхүүүнтэй жижүүрүүдийг томилолоо. Дээрх хугацаанд хийгдсэн хяналтын талаарх эргэж үр дүнг мэдээлэх үүрэг даалгавар өглөө.