Дэлхийн банк болон Швейцарын хөгжлийн агентлагийн санхүүжилтээр Монгол улсын Засгийн газар, Сангын яамнаас хэрэгжүүлж буй “Тогтвортой амьжиргаа-3” төслийн хүрээнд “Орон нутгийн хөгжлийн санг төлөвлөх болон төсөл, арга хэмжээг эрэмбэлэх нь” сэдэвт 2 өдрийн сургалтыг Дундговь аймагт зохион байгуулж байна.
Энэхүү ажлын хүрээнд Орон нутгийн хөгжлийн сангийн үйл ажиллагааг төлөвлөхөд оролцдог буюу иргэдээс санал авах үйл ажиллагааг зохион байгуулдаг багийн Засаг дарга, Иргэдийн нийтийн хурлын дарга, багуудаас ирсэн саналыг нэгтгэн эрэмбэлэх үүрэг бүхий сумын ажлын хэсгийн гишүүд улсын хэмжээнд нийт 21 аймгийн 330 сумын 3300 гаруй төрийн албан хаагчийг сургалтад хамруулж байна.
Цаашид “Тогтвортой амьжиргаа-3” төслийн хүрээнд Орон нутгийн хөгжлийн сангийн багц, гарын авлагын 3, 4, 5 дугаар бүлгийн сургалтуудыг мөн улсын хэмжээнд зохион байгуулахаар төлөвлөөд байгаа юм байна.