Аймгийн төвд шинээр баригдах дулааны станц барьж ашиглах төслийн байгаль орчин, нийгмийн нөлөөллийн нарийвчилсан үнэлгээний үр дүнгийн танилцуулга, нийтийн нээлттэй хэлэлцүүлгийг 2019 оны 3 дугаар сарын 18-ны өдөр зохион байгууллаа.

Хэлэлцүүлэгт аймгийн Засаг дарга О.Бат-Эрдэнэ, Засаг даргын орлогч Ж.Мөнхчулуун, Хөрөнгө оруулалт, хөгжлийн бодлого төлөвлөлтийн хэлтсийн дарга Н.Эрдэнэ-Очир, Гайяа консалтинг захирал Ли Ын Ёи, “КЭСС” олон улсын зөвлөх компани гүйцэтгэх захирал Хан Жан Воон, “КЭСС” байгаль орчны хэлтсийн захирал Гүн Чин Шин, “Эко трейд” ХХК-ийн үнэлгээний ахлах мэргэжилтэн А. Алтанхуяг, ТЭЗҮ боловсруулсан “KDHEC” компанийн барилгын инженер Ли Жон Ёонг нар болон иргэдийн төлөөлөл оролцож асуулт хариулт явагдаж, хэлэлцүүлэг 3-н цаг үргэлжиллээ.

Хэлэлцүүлгээр шинээр баригдах дулааны станцын хүчин чадал, зуухны технологи, шатаах нүүрсний илчлэг, чийг, гарч байгаа үнсийг юунд ашиглах, ус дулаан дамжуулах 8 төвийг нэмэх талаар санал солилцов.