Хуралдаанд Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ, Дэд дарга У.Бямбасүрэн , Хүнс Хөдөө аж ахуй, хөнгөн үйлдвэрийн яам, Онцгой байдлын ерөнхий газар, Улсын нөөцийн газраас холбогдох албан тушаалтнууд оролцож цаг үеийн асуудлаар мэдээлэл, чиглэл өгч санал солилцлоо.

Тус хуралдаанаар аймгийн Засаг дарга О.Бат-Эрдэнэ дараах асуудлуудыг тавьж  холбогдох яамдын төлөөллөөс хариулт  авсан байна.

1. Дундговь аймгийн хувьд Улаанбаатар-Мандалговь-Даланзадгадыг холбосон улсын чанартай авто замын эвдрэл гэмтэлээс болж зам тээврийн осол, авто машины эвдрэл гэмтэл их гарч байгаа бөгөөд “Сайн түлш” үйлдвэрлэх түүхий эд тээвэрлэх Засгийн газрын бодлогын хүрээнд нүүрсний тээвэр хийгдэж эхэлснээр замын эвдрэл нэмэгдэх шалтгаан болж байна.

Бид Засгийн газрын Хэрэг эрхлэх газарт замын эвдрэлийг засаж байж тээврийг хийнэ үү гэсэн асуудлыг тавьсан. Мөн Зам тээвэр хөгжлийн яаманд зам засварын ажил арчлалт хийхэд 3.1 тэрбум, их засвар хийхэд 9,3 тэрбум төгрөгийн зардлын төсөв гарсныг хүргүүлж зам засварын ажлыг 4 сард яаралтай эхлүүлэх шаардлагатай байгаа тул хөрөнгийн асуудлыг шийдвэрлэж өгөх хүсэлтийг ЗГХЭГ-ын ахлах референт Энхсайханаар дамжуулан ЗГХЭГ-т хүргүүллээ.

2. Жижиг дунд үйлдвэрлэлийн хөрөнгийг шийдвэрлэж өгөхийг холбогдох яамныханд хэлж урин дулаан цагт үйлдвэрлэлээ явуулж эхлэх хүсэлтэй байгаагаа илэрхийлэв.
3. Аймгийн хэмжээнд зохион байгуулах Гамшгаас хамгаалах команд штабын сургалтын хугацааг тодорхой болгож 5 дугаар сарын эхээр явуулах чиглэл авлаа.