Дэлхийн Монгол угсаатан эх үрсийн нийгэмлэг, аймгийн Засаг даргын Тамгын газар, Гэр бүл, хүүхэд, залуучуудын хөгжлийн газар хамтран “Нарны охид” төслийн нээлт,өсвөр насны охидын хөгжил, хамгааллын зөвлөгөөнийг зохион байгууллаа.
Тус зөвлөгөөнд 15 сумын хүүхдийн асуудлаар үүрэг хүлээгч 330 төлөөлөгч, 220 өсвөр насны төлөөл, Аймгийн Засаг дарга, Хүүхдийн төлөө зөвлөлийн тэргүүн О.Бат-Эрдэнэ, Нийгмийн бодлогын хэлтсийн дарга А.Нарантуяа, Дэлхийн Монгол Угсаатан Эх Үрсийн Нийгэмлэгийн Тэргүүн, зохиолч Ж.Нямаа, Монгол Хятадын эх үрсийн нийгэмлэгийн төлөөлөн удирдах зөвлөлийн дарга хатагтай Тан И Хан нар зочин төлөөлөгчөөр оролцсон байна.
“Нарны охид” төсөл нь өсвөр насны охид, эмэгтэйчүүдэд амьдралын үнэ цэнийг ухааруулан ойлгуулж, зөв бие хүн болон төлөвшихөд нь тусламж дэмжлэг үзүүлэх, хувь хүний хөгжлийн цогц сургалтаар боловсрол олгох, охид бүсгүйчүүддээ ирээдүй өөд итгэлтэйгээр алхахад нь бүх талын дэмжлэг үзүүлэх , ирээдүйн сайн ээжүүдийг бэлтгэх, хүүхдийн төлөө үүрэг хүлээгчдийн хариуцлагыг нэмэгдүүлэх зорилготой хэрэгжүүлж байгаа үйл ажиллагаа юм.

 сэтгүүлч: Б.Одонтуяа